سابق ایس ایس پی ملیر راؤ انوارکو انسداد دہشتگردی عدالت لے جانیوالی بکتر بند گاڑی کا ٹائر پھٹ گیا۔تفصیلات کے مطابق سابق ایس ایس پی ملیر رائو انوار کو انسداد دہشتگردی عدالت لے جانیوالی بکتر بند گاڑی کا ٹائر پھٹ گیا۔ سابق ایس ایس پی ملیر رائو انوار کو پولیس کی بھاری نفری کے ہمراہ ملیر کینٹ سے انسداد دہشتگردی عدالت لے جایا جا رہا تھا کہ راستے میں وہ جس بکتر بند گاڑی میں سوار تھےاس کا ٹائر پھٹ گیا۔ ٹائر پھٹنے کے بعد راؤ انوار کو ان کی اپنی بکتر بند گاڑی میں منتقل کر دیاگیا۔ رائو انوار کی انسداد دہشتگردی عدالت میں پیشی کے موقع پرعدالت کے باہر سخت سکیورٹی انتظامات کئے گئے تھےپولیس اور ایس ایس یو کے کمانڈوز نے عدالت میں پوزیشنیں سنبھالیں رکھیں۔ واضح رہے کہ گزشتہ روز نقیب اللہ قتل کیس کے مرکزی ملزم سابق ایس ایس پی ملیر رائو انوار نے خود کو سپریم کورٹ میں پیش کر دیا تھا۔
