اگر تو آپ فیس بک میسنجر پر اپنے دوستوں کو کالز خصوصاً گروپ کالز کرنے کے عادی ہیں تو آپ کے لیے اچھی خبر ہے۔ اگر آپ نے کبھی میسنجر پر گروپ وائس یا ویڈیو کال کی ہو تو اس سے ضرور واقف ہوں گے یہ آسان کام نہیں ہوتا۔ پہلے تو آپ کو اپنے دوستوں کو اکھٹا کرکے ایک نیا گروپ تشکیل دینا پڑتا ہے اور پھر اس چیٹ ونڈو کے اندر ہی کال کرکے آپ بیک وقت متعدد دوستوں سے بات کرسکتے ہیں۔فیس فیس بک کو اب جاکر احساس ہوا ہے کہ یہ طریقہ کار اتنا پیچیدہ نہیں ہونا چاہئے جیسا لینڈ لائن پر تھری وے کال۔ تو یہی وجہ ہے کہ اس نے گروپ کالز کو آسان طریقے سے کرنے کا فیچر متعارف کرا دیا ہے۔ اب لوگ میسنجر پر کسی بھی دوست سے وائس یا ویڈیو کال کی ونڈو پر ایڈ پرسن آئیکون کو کلک کرسکتے ہیں۔ اس طرح آپ لوگوں کو منتخب کرکے ان سب کو اپنی اسکرین پر دیکھ بھی سکتے ہیں، اگر ویڈیو چیٹ کا آپشن اختیار کیا جائے۔ فیس بک میسنجر کی 8 بہترین ٹرکس جس پہلے فرد سے آپ بات چیت شروع کرتے ہیں وہ بھی دیگر دوستوں کو دیکھ اور بات کرسکے گا اور ایسا رئیل ٹائم میں ہوگا۔ یہاں تک کہ متعدد افراد سے بات چیت کے دوران فلٹرز بھی کام کرتے رہیں گے۔ یہ فیچر ممکنہ طور پر فیس بک کی جانب سے رواں سال جنوری میں میسنجر کے فیچرز کو آسان بنانے کے وعدے کا حصہ ہے جو رواں برس اس کمپنی نے اپنا مشن بنایا ہے۔ یہ فیچر آئی او ایس اور اینڈرائیڈ ڈیوائسز کے لیے دستیاب ہے، بس میسنجر کو اپ ڈیٹ کرلیں۔بک میسنجر نے صارفین کا بڑا مطالبہ پورا کردیا۔
